Апостиль қою және заңдастыру (ӘМ, ӘД, ІІМ КК, елшілік)

 Ресей Израиль Мальта АҚШ: Невада 

Көп жағдайда, «апостиль қоюды» Конвенцияның басқа қатысушы елдерінде соңынан пайдалануға арналған құжаттарды жеңілдетілген заңдастыру деп түсінеді.

Апостиль мөртабанын қою рәсімі (кейде осы рәсімді апостильдеу деп те атайды),  егер құжат жіберілетін ел (межелі ел) консулдық заңдастыру талабын жойған және заңдастырудың қарапайым рәсімі – апостильдеуді енгізген 1961 жылғы 5 қазандағы Гаага конвенциясының қатысушысы болған жағдайда ғана қолданылады. Егер, Сіз құжат дайындап жатқа ел конвенция қатысушысы болмаса, консулдық заңдастыру қажет болады.

Апостиль мөртабаны:

–  Нотариалдық расталған құжаттарға (нотариалдық көшірме, сенімхат, өкім және б.);

–  Заңды тұлғалардың құжаттарына (жарғының нотариалдық көшірмесі, тіркеу туралы куәлігі, есепке қою туралы куәлігі және б.);

–  Білімі туралы құжаттың түпнұсқаларына (диплом, аттестат, анықтама және б.);

–  АХАЖ құжаттарының түпнұсқаларына (туу туралы куәлігі, некеге тұру туралы куәлігі және б.).

Апостиль құжатты ұсынған кез келген тұлғаның сұрау бойынша құжат мәтінінен бос жеріне немесе екінші бетіне немесе бөлек парақ бетіне қойылады. Мұндай жағдайда құжат парақтары мен апостиль қойылған парақ кез келген түстегі жіппен тігу арқылы (немесе арнайы жіңішке баумен, таспамен) бірге бекітіліп, нөмірленеді. Құжаттардың соңғы парағы бекітілген жерінен қалың қағаз «жұлдызшамен» желімделіп, оның үстіне мөр басылады. Мөр таңбасы «жұлдызшаның» үстіне және парақтың бетіне біркелкі орналасуы қажет. Бекітілген парақтар саны апостиль қойған тұлғаның қолымен расталады. Егер құжаттың мұқабасы қалың болса (мысалы, АХАЖ органының куәлігі), апостилі бар парақ жоғарыда көрсетілген әдіспен құжатқа тігілуі қажет.

Апостиль қойылған құжат Гаага конвенциясының кез келген қатысушы елінде пайдаланылуы мүмкін.

Апостилдеу қызметінің құны –  1 құжат үшін 10000 теңге.

Құжатты апостилдеу үшін Сізге келесілер қажет:

–  құжат аудармасы;

–  нотариалды расталуы; 

–  жеке куәлік көшірмесі.

Құжаттар аудармасы және нотарилдық растау қызметтері қолданыстағы тарифтерге сай қосымша ұсынылады.

Консулдық заңдастыру ережесі

Консулдық заңдастыру (бұдан әрі – заңдастыру) дегеніміз құжаттардың болу елінің қолданыстағы заңдарына сәйкестiгiн тексеру және мұндай құжаттарды басқа мемлекетте пайдалану мақсатымен оларға лауазым иесiнiң қойған қолы мен басқан мөрiнiң түпнұсқалылығын анықтау мен куәландыру болып табылады.Бұл рәсім Қазақстан Республикасы Сыртқы істер Министрінің 2000 жылғы 21 қарашадағы № 264 Бұйрығымен бекітілген Консулдық заңдастыру ережесімен реттеледі.

Шетелде заңдастыру бойынша функцияларды Қазақстан Республикасының шет елдік мекемелері орындайды.

1961 ЖЫЛҒЫ 5 ҚАЗАНДАҒЫ ГАГА КОНВЕНЦИЯСЫНЫҢ ҚАТЫСУШЫ- ЕЛДЕРІНІҢ ТІЗІМІ